БИШКЕК, 21-апр. — Sputnik. Өткөн суткада дагы жети медицина кызматкеринин коронавирус жуктуруп алганы аныкталды. Бул туурасында саламаттык сактоо министринин орун басары Нурболот Үсөнбаев брифинг учурунда билдирди.
Ооруга чалдыккан медиктердин экөө Ош шаарында, экөө Ош облусунда, үчөө Бишкек шаарында иштеп жаткан. Ушуну менен өлкөдө COVID-19 жуктуруп алган медицина кызматкерлеринин саны 147ге жетти.
Ошондой эле мунун ичинен дарыгерлер - 42, орто медицина кызматкери - 62, санитардык жана техникалык кызматкерлер 24 жана башка ошол жерде иштеген адамдардан катталганы белгиленди.
Белгилей кетсек, өткөн суткада дагы 22 адамдан коронавирус аныкталып, жалпы саны 590го жетти. Анын ичинен 216сы айыгып, жетөө каза болду.
Бишкек, Ош, Жалал-Абад, Нарын шаарлары жана Кара-Суу, Ноокат, Сузак, Ат-Башы райондоруна өзгөчө абал жарыяланып, кечки саат 21.00дөн 6.00гө чейин коменданттык саат киргизилген.
Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.
Мындан тышкары, Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.
Кабарларды ыкчам, ыңгайлуу шартта окуу үчүн Telegram-каналыбызга баш багыңыз.