БИШКЕК, 20-апр. — Sputnik. Премьер-министр Мухаммедкалый Абылгазиев отставкага кетүү тууралуу арыз жазган эмес. Бул тууралуу өкмөт башчынын маалымат катчысы Адилет Султаналиев соцтармактагы баракчасына жазды.
Анын айтымына караганда, интернетте чындыкка дал келбеген кеп-сөздөр тарап жатат.
“Премьер-министр күчөтүлгөн тартипте, дем алышсыз иштөөдө. Так эки жыл мурда Мухаммедкалый Абылгазиев өкмөт башчы болуп дайындалган, балким, кимдир бирөө ушак таратуу менен ушинтип куттуктап коёюн дегендир”, — деди Султаналиев.
Чынында эле эки жыл мурда ушул күнү Жогорку Кеңеш премьердин талапкерлигин жана министрлердин тизмесин бекиткен.