БИШКЕК, 19-апр. — Sputnik. Адистер Кыргызстанда коронавирустун жогорку чеги кийинки жумага туура келерин божомолдоп жатат. Анда COVID-19 жуктургандардын саны мындан да көбөйүшү ыктымал. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.
Анын айтымында, жогорку чекке жеткенден кийин адатта абал турукташа баштайт.
"Илдет жогорку чегине жеткен соң абал акырындап турукташып, сандар азая башташы мүмкүн. Ошондон баштап чектөө чараларын ала баштаса болот", — деди Үсөнбаев.
Коронавирус кесепети
Кыргызстанда коронавирус жуктуруп алган бейтаптардын саны 554кө жетти. Анын ичинен 134ү медицина кызматкерлери. Илдеттен 133 адам айыгып чыкса, бешөө көз жумду.
Кабарларды ыкчам, ыңгайлуу шартта окуу үчүн Telegram-каналыбызга баш багыңыз.
Мындан тышкары, Sputnik редакциясы карантин учурунда ар тараптан жардам бере турган кызматтардын ишеним номерлерин жана облустардагы комендатура, штабдардын номерлерин жарыялаган.