БИШКЕК, 17-апр. — Sputnik. Кыргызстанда дагы 23 адамдан коронавирус аныкталып, жалпы саны 489га жетти. Бул тууралуу саламаттык сактоо министринин орун басары Нурболот Үсөнбаев брифинг учурунда билдирди.
"Бишкек шаарында 14, Чүй облусунда 1, Ысык-Көл облусунда 2, Ош облусунда төрт, Ош шаарында эки учур катталды. Анын 15и аял болсо, сегизи эркек киши. Учурда ооруканада 370 адам дарыланууда. Алардын ичинен төртөө жандандыруу бөлүмүндө", — деди Үсөнбаев.
Жуктуруп алгандардын арасында 12 медицина кызматкери бар.
Кыргызстанда ушу тапта абал кандай болуп жатканын Sputnik агенттиги жүргүзүп жаткан тексттик трансляциядан билүүгө болот.