БИШКЕК, 16-апр. — Sputnik. Өлкөдөгү кан борборлору штаттык режимде жана дем алышсыз иштеп жатканын Саламаттык сактоо министрлигинин маалымат кызматы билдирди.
Ага ылайык, COVID-19 кырдаалында донорлорду борборго атайын унаалар менен алып келип, кайра жеткирип жатышат. Ал эми туруктуу донорлор кезек-кезеги менен чакыртылып, санитардык-карантиндик посттордон өткөнгө жардам берилүүдө.
Донорлордун кескин төмөндөшүнө карабастан, бүгүнкү күндө бардык кан борборлорунда жетиштүү көлөмдө кан компоненттери жана препараттар бар экендиги кошумчаланды.
Өлкөдө эмне болуп жаткандыгы тууралуу Sputnik Кыргызстандын тексттик трансляциясынан таанышсаңыз болот.
Ошондой эле кабарларды ыкчам, ыңгайлуу шартта окуу үчүн Telegram-каналыбызга баш багыңыз.