БИШКЕК, 15-апр. — Sputnik. 16-апрель, бейшемби күнү, өлкөнүн көпчүлүк аймактарында жаан жаап, тоолуу өрөөндөрдө кар жаашы мүмкүн. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден кээ бир аймактарда 15-20 метрге чейин жетет.
Чүйдө абанын температурасы +11…+16, Таласта +10…+15, Ош, Баткен жана Жалал-Абад облустарында +15…+20, Ысык-Көлдө +9…+14 жана Нарын жергесинде +8…+13 градус жылуу болот.
Ал эми Бишкек шаарында күндүн табы +14…+16 градуска көтөрүлсө, Ош калаасында термометрдин көрсөткүчү +17…+19 градуска дейре жогорулайт.