БИШКЕК, 14-апр. — Sputnik. Кыргызстанда өткөн суткада COVID-19 диагнозу тастыкталган төрт бейтап айыгып, стационардан чыгарылды. Бул туурасында саламаттык сактоо министринин орун басары Нурболот Үсөнбаев брифинг учурунда билдирди.
Анын айтымында, оорулуулар Жалал-Абад облусундагы Ала-Бука аймактык ооруканасынан дарыланып чыгышты. Алардын кайрадан жасалган анализдеринин жыйынтыгы COVID-19 жок экенин көрсөткөн.
Жалпы өлкө боюнча коронавирустан айыккандардын саны 71 болду.
Ал эми бүгүн дагы 11 киши вирус жуктуруп алганы аныкталды.