БИШКЕК, 11-апр. — Sputnik. Кыргызстанда дагы 41 кишиден коронавирус аныкталганын саламаттык сактоо министринин орун басары Мадамин Каратаев брифинг учурунда билдирди.
Ушуну менен вирус аныкталган адамдардын жалпы саны 339 болду.
"Бишкек шаарында 12, Чүй облусунда 3, Ош облусунда 18, Ош шаарында 6, Нарын облусунда 2 учур катталды. 22си аял, 19у эркек киши. Жаңы учурлардын арасында 12 медицина кызматкери бар. Бир сутканын ичинде беш киши айыгып, сакайгандардын жалпы саны 44 кишини түздү", — деди министрдин орун басары.
Ушу тапта стационарда 290 киши жатат. Тогуз киши реанимацияда, бешөөнүн абалы оор.
Буга чейин беши киши каза болгону айтылган.
Кыргызстанда ушу тапта абал кандай болуп жатканын Sputnik Кыргызстан агенттиги жүргүзүп жаткан тексттик баяндамадан билүүгө болот.
Мындан тышкары, кабарларды ыкчам, ыңгайлуу шартта окуу үчүн Telegram-каналыбызга баш багыңыз.