БИШКЕК, 7-апр. — Sputnik. Кыргызстанда дагы 12 кишиден коронавирус чыкты. Бул тууралуу саламаттык сактоо министри Сабыржан Абдикаримов брифингде билдирди.
Ушуну менен бейтаптардын жалпы саны 228ге жетти.
"Өткөн сутка ичинде COVID-19 вирусун жуктурган 12 жаӊы учур катталды. Алардын ичинен 3 эркек жана 9 аял. Баары Ош облусунда обсервацияда болчу", — деди Абдикаримов.
Ушу тапта өлкө ичинде абал кандай болуп жатканын Sputnik Кыргызстан жүргүзгөн тексттик трансляциядан билүүгө болот.