БИШКЕК, 6-апр. — Sputnik. Интертеттин кыргыз сегментин Каракол шаарында белгисиз кишилер көп кабаттуу үйлөрдүн эшиктерин ширетип жаткан видео бушайман кылууда.
Видео Instagram тармагына жүктөлүп, тездик менен мессенджерлерге тарады. Кадрларда болуп жаткан нерсени кыргызстандыктар сынга алууда.
Анда көрүнүп тургандай, көп кабаттуу үйдүн сыртка чыкчу эки эшигин ширетип жатышат. Тегерек-четте милиционерлер жүргөнүн көрүүгө болот. Видео кирпич заводу аймагында тартылганы айтылууда. Тельман жана Кварцов көчөлөрүнүн кесилишине бетон тосмолор коюлган.
Өкмөттүн Ысык-Көл облусундагы өкүлчүлүгүнүн маалымат кызматы Каракол шаарынын мэриясынан иштин чоо-жайын тактап жатканын айтты. Ал эми облустук милиция менен байланышуу мүмкүн болбой жатат.
Кыргызстандагы коронавирус
Ошондой эле 4-апрелде өлкө боюнча 9 дарыгер COVID-19 жуктуруп алганы кабарланды. Алардын жетөө Жалал-Абад облусунда, бирөө Бишкек, дагы бирөө Ош шаарында эмгектенет.
Ушул тапта Бишкек, Ош жана Жалал-Абад шаарларына, Ноокат, Кара-Суу жана Сузак райондоруна 15-апрелге чейин өзгөчө абал киргизилген.