БИШКЕК, 3-апр. — Sputnik. 4-апрелге караган түнү Бишкекте жылуулук өчүрүлө баштайт. Калаа мэри Азиз Суракматов тийиштүү буйрукка кол койду. Бул тууралуу муниципалитеттен билдиришти.
Маалыматка караганда, 2019\2020-жылдагы жылуулук берүү сезонун жыйынтыктоо боюнча тийиштүү ишканалардын жетекчилерине тапшырма берилди.
Белгилей кетсек, мэриянын ыкчам штабы коронавирустун жайылышына бөгөт коюу максатында жана аба ырайынын өзгөргөнүнөн улам 24-мартта кайра жылуулук берип баштаган. Сезон 19-мартта бүткөн.
Бүгүн "Бишкек жылуулук тармагы" кечкисин суук болгонуна байланыштуу жылуулук өчүрүлбөй жатканын айткан.