БИШКЕК, 31-мар. — Sputnik. "Бишкекжылуулуктүйүнү" ишканасынын абоненттери жылуулук үчүн мартта адаттагыдан азыраак төлөшөт. Бул тууралуу аталган ишкананын маалымат кызматы кабарлады.
Билдирмеге ылайык, аба ырайы ысыкта жылуулук төмөндөтүлгөн коэффициент менен эсептелет.
"1-марттан 18-мартка чейин жана 25-марттан 31-мартка чейин керектелген жылуулук үчүн гана акча эсептелет", — деп айтылат маалыматта.
Эгер шаардыктарда жылуулук жана ысык суу менен камсыз кылуу боюнча суроолор жаралса, "Бишкекжылуулуктүйүнү" ишканасы 1980 кыска номерине же (312) 61-11-69 телефондоруна чалууну өтүндү. Мындан сырткары, калаа тургундары www.teploseti.kg. кирип "жеке кабинет" аркылуу суроолоруна жооп ала алышат.
Эске салсак, өлкөдө коронавирус жана башка инфекциянын жайылуусуна бөгөт коюу максатында мэрия 24-мартта калаа тургундарына кайрадан жылуулук берген.