БИШКЕК, 28-мар. — Sputnik. Американын Офтальмология академиясынын дарыгерлери коронавирустун бирден-бир симптому конъюнктивит болушу мүмкүндүгүн айтып чыгышты. Бул туурасында РИА Новости жазды.
АКШ дарыгерлери кытайлык ак халатчандардын COVID-19 менен ооруп, конъюнктивит да аныкталган 30 бейтабы боюнча маалыматына таянуу менен изилдөө жүргүзүшкөн.
Адистердин дагы бир иликтөөсүндө Кытайдагы 1099 бейтаптын 19унда конъюнктивит аныкталганы айтылат. Маалыматтар өлкөдөгү 30 ооруканадан топтолгон.
Алар көздүн оорусуна бир гана COVID-19 себеп эместигин белгилешкен. Анткен менен офтальмологдор кишиде коронавирус бар экендигин биринчилерден болуп билүүсү мүмкүн деген бүтүмгө келишкен.
Коронавирус тууралуу
Жер жүзү боюнча ага кабылгандардын саны 597 072 болду. Өмүрү менен кош айтышкандар — 27 360, айыккандар — 131 698ге чамалап барды.