БИШКЕК, 28-мар. — Sputnik. Казакстанда коронавирус аныкталган 15 киши толугу менен сакайып, ооруканадан чыгарылганын өлкөнүн Саламаттык сактоо министрлигинин штабына таянуу менен Sputnik Казакстан агенттиги жазды.
Ооруканадан кийин айыккандар үй карантининде болушат.
Акыркы маалымат боюнча, коңшу өлкөдө коронавируска 204 адам кабылганы белгилүү болду. Бир бейтап каза болгон. Анда 64 жаштагы Нур-Султан шаарынын тургуну конокко барганда жуктуруп алып, эки тараптуу пневмонияга кабылганы аныкталган.
COVID-19 жуктуруп алгандардын көбү Нур-Султан (117) менен Алматы (58) шаарында.
Эскерте кетсек, коронавирус аныкталган эки адам тууралуу алгачкы маалымат 13-март күнү чыккан. 16сынан тарта өзгөчө кырдаал жарыяланып, анын 15-апрелге чейин созулары белгилүү болгон.