БИШКЕК, 25-мар. — Sputnik. Өзгөчө абал учурунда банктарга өтө зарыл болгон учурларда гана барууга болот. Бул тууралуу Республикалык штаб билдирди.
Маалыматка караганда, барардан мурда банктардын ӨА учурунда иштөө режими тууралуу билип алган туура. Мындан тышкары, жаран жанына алып жүрүүгө милдеттүү болгон маршруттук баракчанын үлгүсүн көрсөтүшү керек.
Өлкөдө коронавирустун жайылып кетпешине бөгөт коюу максатында Бишкек, Ош жана Жалал-Абад шаарларына, ошондой эле үч районго өзгөчө абал режими киргизилди. Бул режим 15-апрелге чейин күчүндө болот. Мурдагыдай күндүз баары каалаган жагына бара албайт, ары-бери жүрүүгө чектөө коюлду.
Эгер көчөгө ушул үч нерсе үчүн чыга турган болсо, жарандын жанында өздүгүн тастыктаган документ жана маршруттук баракча болушу керек.
Редакция өлкөдөгү кырдаал боюнча тексттик трансляция жүргүзүп жатат.