Борбор Азия мамлекеттеринде өрүк кеңири тараган. Бөтөнчө бул жемиштин мекени Кыргызстандын Баткен облусу болуп саналат. Аймакта өрүк гүлдөп баштаганда туристтердин да саны артып баштайт. Андан тышкары, Ысык-Көлдө да өрүк бактары арбын.
Ал эми борбор калаада өрүктөр совет убагында отургузулган. Бишкек мэриясынын "Жашыл чарба" муниципалдык ишканасынын башчысы Элнура Жолдошеванын айтымында, баланста өрүк бактарынын саны аз калды.
"Учурда муниципалдык жерлерде 500дөй өрүк багы бар. Эгер шаардыктардын огороддорун да кошо турган болсок, 1000ден ашат", — деди Жолдошева.
Кыргызстанда өрүктөн шире жасалып, кургатылып сатылары маалым. Ошондой эле данеги менен да кургатып жүрүшөт.