БИШКЕК, 15-мар. — Sputnik. Казакстанда дагы эки кишиден коронавирус аныкталганын Sputnik Казакстан жазды.
Маалыматта анын бири 12-март күнү Италиянын Милан шаарынан Нур-Султанга учуп келген казакстандык аялдын күйөөсү болуп чыкты. Ал эми экинчи бейтап Түштүк Кореядан келген.
Ушуну менен коңшу өлкөдө коронавирус жуктуруп алып, дарыгерлердин көзөмөлүндө турган адамдардын саны сегизге жетти. COVID-19 аныкталган биринчи учур 13-мартта катталган.
Ал арада бүгүн, 15-мартта, Өзбекстанда да коронавирус жуктуруп алган алгачкы адам аныкталганы кабарланды. Анын Франциядан келгени айтылууда. Коңшу өлкөдө учурда эмне болуп жатканын Sputnik Кыргызстан жүргүзгөн тексттик трансляциядан билсеңиздер болот.