БИШКЕК, 12-мар. — Sputnik. Ханзада Гарри менен анын жубайы Меган Маркл падышалык үй-бүлө мүчөсү катары акыркы жолу коомчулукка чыккан учурун интернет колдонуучулары кызуу талкуулап жатышат. Алардын айтымында, видеодон жубайлардын туугандары аларды жактырбай койгону байкалып калган.
Гарри менен Маркл 9-март күнү Улуттун достук күнүнө карата уюштурулган иш-чарага катышышкан.
Маалыматтарга караганда, жубайларга падышалык үй-бүлө мүчөлөрү менен чогуу келүүгө уруксат берилген эмес. Мындан улам алар элден мурун келип, башкаларды күтүп турууга аргасыз болушкан.
Меган Маркл ханзада Уильям менен эки ирет учурашкан, себеби биринчисинде ал унчукпай койгон. Ханзада Марклга баш ийкемиш болуп, терс бурулуп отуруп алган.
Айрым чет элдик интернет басылмалар ханзада Гарри ойго батып, санаа тартып жаткандай көрүнгөнүн жазышты.