БИШКЕК, 9-мар. — Sputnik. Дене табы көтөрүлүп Стамбулдан келген кыргызстандык жаран карантинге жөнөтүлдү. Бул тууралуу Саламаттык сактоо министрлигинен кабарлашты.
Жаран анализ тапшырган, жыйынтыгы коронавирус жок экенин көрсөткөн. Ал Республикалык жугуштуу оорулар ооруканасына жаткырылды, ал жакта 14 күндүк карантинде болот. 13-күн өткөндөн кийин кайрадан анализ тапшырат.
Жарандын учурдагы абалы канааттандырарлык. Дене табы — 36,6 градус.