БИШКЕК, 27-фев. — Sputnik. Индиянын Орисса штатында шайтан-шабырды кууйбуз деп бир жашар бала менен итти үйлөндүрүшкөн. Бул тууралуу Daily Star басылмасы жазды.
23-февралда Индиядагы Бариян кыштагында сантал уруусунун эли бир жаштагы эркек бала менен ит баш кошту деп салтанат өткөрүп жаткан кадрлары тарап кеткен.
Анда кызыл-тазыл кийимчен эл барабандар кагылган үн менен салтанаттын "күнөөкөрлөрүн" тегеренип бийлеп жатканын көрүүгө болот.
Алардын адаты боюнча, баланын үстүңкү биринчи тиши жарылганда ушундай ырым өткөрөт.
Жергиликтүү калк бул шайтан-шабырды чакыргандыктан, аларды коркутуу үчүн бөбөктөрдү итке үйлөнттүк деп жакшы эмес күчтөрдү кууп кетирет.
Уруунун улууларынын айтымына караганда, бул болгону ырым-жырым. Бала эрезеге жеткенде өзүнүн түгөйүнө үйлөнө берет, бирок ит менен ажырашпайт.