БИШКЕК, 25-фев. — Sputnik. Планетадагы эң кары адам, япониялык Ватанабэ Титэцу 23-февраль күнү 112 жаш курагында көз жумду. Бул тууралуу жергиликтүү Киодо басылмасы жазды.
Титэцу Ниигата префектурасындагы карылар үйүндө жашап келген. Эки жумадай мурда, 12-февраль күнү ал Жер планетасындагы эң кары адам катары Гиннестин рекорддор китебине кирген.
Ватанабэ 1907-жылдын 5-мартында төрөлгөн. Ал 20 жашка толгондо үй-бүлөсү менен Тайванга көчүп кеткен. Ал жакта 18 жыл жашагандан кийин Японияга кайткан.
Буга чейин планетанын эң кары адамы деп Хоккайдо аралында жашаган Масадзо Нонака эсептелген. Ал 2019-жылы 113 жаш курагында көз жумган.