БИШКЕК, 14-фев. — Sputnik. Кыргызстан менен Россиянын кайчылаш жылынын расмий ачылышы 27-февраль күнү Москвадагы Кремль залында өтөт. Бул тууралуу РФтин КРдеги элчилигинин маалымат кызматы кабарлады.
Билдирүүгө ылайык, салтанатка эки өлкөнүн президенттери Сооронбай Жээнбеков менен Владимир Путиндин катышуусу күтүлүп жатат.
Эскерте кетсек, былтыр жылдын 28-мартында Владимир Путиндин Кыргызстанга болгон мамлекеттик сапарынын алкагында эки өлкөнүн башчылары тарабынан 2020-жылды кайчылаш жыл деп жарыялоо чечими кабыл алынган. Анын алкагында бир катар иш-чараларды өткөрүү каралган.