БИШКЕК, 11-фев. — Sputnik. Кыргызстандык акушерлерге жардамчы катары "Коопсуз төрөт" (Safe Delivery) мобилдик тиркемеси ишке кирди. Бул тууралуу Саламаттыкты сактоо министрлигинен билдиришти.
GIZ долбоорунун колдоосу менен ишке ашкан бул тиркеме кесипкөй адистерге төрөт учурундагы күтүлбөгөн жагдайлардан оңой чыгып кетүүгө жардамчы болот.
Т
иркемеде чакан видеоматериалдар, жасалган аракеттер картасы, керектүү дары-дармектердин тизмеси бар. Андагы материалдар Дүйнөлүк саламаттыкты сактоо уюмунун стандарттарына туура келет.
Анда ар бир адис өзүнүн кесиптик даярдыгы боюнча тесттен өтө алат. Мындан тышкары, медиктер смартфон аркылуу гинекология жана төрөттөгү базалык жана тез жардам көрсөтүү боюнча материалдарды көрө алат.
Аталган тиркеме ушул тапта 40 өлкөдө колдонулуп келет.