БИШКЕК, 6-фев. — Sputnik. Москва шаарында Кыргызстандын мурдагы президенти Аскар Акаевдин уулу Айдар Акаев көз жумду. Бул тууралуу үй-бүлөнүн жакындары билдирүүдө.
Алдын ала маалыматтарга караганда, 44 жаштагы Айдар Акаевдин жүрөгү кармап каза тапкан.
Айдар Акаев Кыргызстандын биринчи президенти Аскар Акаевдин уулдарынын улуусу. Үй-бүлөлүү, эки баланын атасы болчу.
2005-жылы 24-мартта атасы бийликтен кеткенден кийин Айдар Акаев Москва шаарында ишкерлик менен алектенип жүргөнү айтылып келген.