БИШКЕК, 25-янв. — Sputnik. Бүгүн Бишкектин батыш тарабындагы Фучик көчөсүнүн аймагында жүргүнчү ташыган эки автобус кагышты. Бул тууралуу маалыматты "Бишкек сегодня" Telegram тайпасына окуянын күбөсү салды.
Бишкекте эки автобус кагышып, кишилер жаракат алды. Сүрөт
© Фото / Пресс-служба УПСМ
Кайгуул милиция башкармалыгынан автоунаа кырсыгы саат 13:30дар чамасында Фучик жана Рыскулов көчөлөрүнүн кесилишинде болгондугун айтып беришти. Жабырлангандарды Тез жардам кызматы ооруканага алып кеткен.
Бул бүгүнкү күндүн эсебинен Бишкекте катталган экинчи автокырсык. Биринчиси болжол менен 11:15тер чамасында Жибек Жолу жана Эркиндик проспектисинин кесилишинде болгон. Анда жөө кишини өткөрөм деген автоунааны экинчиси артынан келип сүзгөн. Мунун кесепетинен биринчи автоунаада отурган аял киши жабыркаган.