БИШКЕК, 21-янв. — Sputnik. Жаңы рубрикабызда окурмандарды автоунааларга куя турган майдын баасы, валюталардын курсу менен күн сайын тааныштырып турабыз. Эмне үчүн бул тизмеге Улуттук банктагы алтын куймалары боюнча маалымат кошулуп калды? Себеби акыркы учурда алтындын баасы улам өсүп бара жатат. Эгерде баам салып, ойлонуп кадам таштаса, бир топ эле акча жасап алса болчудай.
Валюта баасы Улуттук банктын расмий курсу жана Valuta.kg порталындагы маалыматтарга карата берилди. Бул жерде алмаштырыла турган акчалардын наркы көрсөтүлүп турат.
Мамлекеттин башкы банкы алтын уютмаларын элге сатпастан, аны сатып да алат. Бааны алар өздөрү Лондондогу Баалуу металлдар ассоциациясынын кечки фиксингине карата ар күн сайын коюп турат.
Ал эми автоунаа майларын алсак, күйүүчү май менен бензиндин эл көп пайдаланган түрлөрү белгиленген.