БИШКЕК, 20-янв. — Sputnik. Бишкекте Ленинград блокадасын жарып өтүүнүн 77 жылдыгына арналган митинг-реквием болду. Бул тууралуу Россиянын Бишкек шаарындагы Илим жана маданият борборунан кабарлашты.
Иш-чарага Россия кызматташтыгынын Кыргызстандагы өкүлчүлүгүнүн жетекчиси Виктор Нефёдов катышты.
Россиянын КРдеги элчиси Николай Удовиченко блокадачыларды куттуктады. Дипломат кыргызстандыктардын курчалган шаарды бошотууга кошкон чоң салымын жана алардын эвакуацияланган невалыктарга көрсөткөн жардамын белгиледи.
Митинг Бишкектеги Октябрь районунун администрациясынын колдоосу менен Ленинград блокадачыларынын Кыргыз коому, Россиянын Кыргызстандагы элчилиги тарабынан уюштурулган.