БИШКЕК, 1-янв. — Sputnik. Борбор калаада жеңил атлетика боюнча жабык имарат ичинде чемпионат уюштурулат. Бул тууралуу аталган спорттун түрү боюнча федерациядан билдиришти.
Маалыматка ылайык, мелдеш 10-11-январь күндөрү Кыргыз мамлекеттик дене тарбия жана спорт академиясынын манежинде болот. Ага өлкө аймагынан чогулган 15-16 жаштагы өспүрүмдөр, 18 жаштан жогорку курактагы кыздар жана балдар катышат.
Спортчулар 3000, 1500, 800, 400, 200, 60 метр аралыкка чуркап, алыстыкка, бийиктикке секирип жана ядро ыргытып ат салышат.