Кинорежиссёр Болот Шамшиев 1941-жылы 12-январда Фрунзеде (азыркы Бишкек шаарында) жарык дүйнөгө келген.
Мектепти бүткөн соң Москвадагы Бүткүл союздук кинематография институтуна тапшырып, 1964-жылы режиссёрдук факультетин аяктаган. Өмүрүн ата мекендик кинематографияга арнаган инсан "Караш-караш", "Ысык-Көлдүн кызгалдактары", "Сүйүү закымдары", "Ак кеме", "Эл арасында", "Эрте келген турналар", "Бөрү зындан", "Снайперлер" жана "Фудзиямага чыгуу" тасмаларын тарткан.
СССРдин эл артисти 1989-1995-жылдары Кыргыз ССРинин Жогорку Советинин, андан кийин Жогорку Кеңештин депутаты, кийин Туризм жана спорт мамлекеттик агенттигинин директору жана Кыргызстандын Бириккен Араб Эмирлигиндеги консулу болгон.