БИШКЕК, 13-дек. — Sputnik. Ишемби күнү Чүй, Талас, Ош, Жалал-Абад облустарынын тоо этектеринде жана тоолуу райондорунда, Ысык-Көл облусунун чыгышында жаан-чачын катуу жаайт. Ош, Жалал-Абад облустарынын кээ бир райондорунда зымдарга жана бактарга суу кар жабышат. Бул тууралуу Кыргызгидромет маалымдады.
Күндүн табы Чүйдө -4...+1, Талас аймагында -3…+2, Ысык-Көлдө -2...+3, ал эми Ош, Баткен жана Жалал-Абад облустарында 0...-5, Нарын жергесинде -2…-7 градус суук болот.
Бишкекте кар жаайт. Борбор калаада абанын температурасы -1...+1 градус болсо, Ош шаарында жамгыр, кар жаап +2…+4 градус жылыйт.