БИШКЕК, 13-дек. — Sputnik. Forbes Германия канцлери Ангела Меркелди 2019-жылдын эң таасирдүү айымы атады. Рейтинг басылманын сайтына жарыяланды.
Меркель саясаттан кетери тууралуу айтканына карабай тогузунчу жыл катары менен тизменин сап башында. Саясатчы айым кызматын 2021-жылы тапшырып берет.
Рейтингде экинчи орунду Европанын борбордук банкынын төрайымы Кристин Лагард, үчүнчүнү АКШ конгрессинин Өкүлдөр палатасынын спикери Нэнси Пелоси ээлеген. Төртүнчү сапта Еврокомиссиянын төрайымы Урсула фон дер Ляйен турат.
Басылманын маалыматында быйыл Тереза Мэй Улуу Британиянын премьер-министрлик кызматынан кеткендигине байланыштуу рейтингдеги орду да бир топ төмөндөп кеткени айтылат.
Ал эми акыркы орунду экоактивист кыз Трета Тунберг ээледи.