БИШКЕК, 9-дек. — Sputnik. Казакстандык боксчу Садриддин Ахмедов атаандашы аргентиналык Хосе Вильялобосту нокаутка түшүрдү. Бул тууралуу Sputnik Казакстан агенттиги жазды.
Орто салмактагылар ортосундагы таймаш Канаданын Монреаль шаарында өттү. Мелдеш 7-раундда аяктады.
"Мекендештеримдин жана жараткандын колдоосу менен жеңишке жетиштим. Рахмат! Биздин өлкөдө тынчтык жана өсүп-өнүгүү болсун", — деди Ахмедов жеңиштен кийин сүйлөп жатып.
Бул — 21 жаштагы спортчунун карьерасындагы он биринчи жеңиши.