БИШКЕК, 29-ноя. — Sputnik. Казакстандын "Астана" клубу Англиянын "Манчестер Юнайтед" клубу менен Нур-Султанда ойноп, 2:1 эсебинде жеңишке жетти. Бул тууралуу Sputnik Казакстан агенттиги жазды.
Оюн Европа лигасынын тайпалык этабынын бешинчи турунун алкагында өттү. Талаага "Манчестер Юнайтед" клубунун резервдеги курамы чыккан.
Биринчи тайм 0:1 эсебинде британдыктардын пайдасына аяктаган. Экинчи таймда казак футболчулары оюндун башында бир гол киргизди. Таймаш ортолоп калганда атаандаштары өз дарбазасына гол киргизип алып, казак оюнчулары алдыга озуп чыкты.
Жыйынтыгында эсеп 2:1 болуп, "Астана" клубу жеңишти камсыздады.