ОШ, 27-ноя. – Sputnik. Баткен облусунун мурдагы прокурору, маркум Анарбай Мамажакыповдун өлүмүнө шектүү катары кармалган Баткен облустук Капиталдык курулуш башкармалыгынын мурдагы башчысы Мелис Калыков күнөөлүү деп табылды. Бул тууралуу Ош шаардык сотунун маалымат катчысы Бекзат Осмонкулов билдирди.
Анын айтымына караганда, бүгүн, 27-ноябрь күнү, Ош шаардык соту ишти карап, Калыковду өмүр бою эркинен ажыратуу чечимин чыгарды.
Эске салсак, прокурор Анарбай Мамажакыповдун сөөгү 2018-жылдын 18-ноябрына караган түнү Төрт-Көл суу сактагычына жакын жердеги жолдон табылган. Ага шектүү катары Баткен мэриясынын Капиталдык курулуш башкармалыгынын жетекчиси Мелис Калыков кармалган. Милициянын маалыматы боюнча, ал Мамажакыповду мергенчилик курал менен атып, андан соң кылмышын жашыруу максатында денесин өрттөп салган.