БИШКЕК, 26-ноя. — Sputnik. Үстүбүздөгү жылдын тогуз айында борбор калаада 1828 жол кырсыгы катталган. Бул тууралуу ИИМдин Жол кыймылынын коопсуздугун камсыздоо башкы башкармалыгынан билдиришти.
Мекеменин маалыматына ылайык, 2019-жылдын тогуз айында Бишкекте жол кырсыгынан 2280 адам жаракат алып, 60 киши көз жумган.
Адам өмүрүн алган кырсыктардын көпчүлүгү Иса Ахунбаев, Гагарин көчөсү менен Чыңгыз Айтматов, Жибек Жолу проспектилеринде болгон.
Ал эми өткөн жылдын тогуз ай аралыгында борбор калаада 1602 жол кырсыгы катталып, анда 45 адам мерт кеткен.