БИШКЕК, 12-ноя. — Sputnik. Япониянын футбол боюнча курама командасы беттеш алдында Бишкек шаарында биринчи машыгуусун өткөрдү. Бул туурасында КРдин Футбол федерациясынан кабарлашты.
Бир сааттык машыгуу "Дордой" спорт комплексинде өттү. Команда Бишкекке кечээ келип түшкөн.
"Самурайлар" 2022-жылда боло турган дүйнө чемпионатынын тандоо турунун алкагында Кыргызстандын курама командасы менен ойнойт.
Беттеш 14-ноябрда борбор калаанын Дөлөн Өмүрзаков атындагы стадионунда өтөт. Япония 2022-жылдагы дүйнө чемпионатынын тандоо турунун экинчи этабындагы F группасынын сап башында турат. Ал эми Кыргызстан менен Тажикстан экинчи орунда бара жатат.
Дүйнөлүк рейтингде Күн чыгыш өлкөсүнүн футболчулары 28-орунда, ал эми Кыргызстан 94-орунда турат.
Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Биздин Telegram-каналга жазылыңыз.