Күбөлөрдүн айтымында, 13:40тар чамасында "Ала-Тоо" кинотеатрынын маңдайындагы тез татымдан катуу үн чыгып, ал жактан кишилер чуркап чыгышкан.
Бишкек шаардык тез жардам кызматынын башкы дарыгери Искендер Шаяхметовдун айтымында, жабыркагандардын саны 12ге жеткен. Саламаттыкты сактоо министрлигинин маалымат кызматы кырсыктан тамактануучу жайда иштеген кызматкердин көз жумганын кабарлады.
ӨКМ өрт саат 14.08де чектөөгө алынганын билдирди. Жеринде үч өрт өчүрүүчү унаа иштеп жатат.
Учурда эмне болуп жатканын Sputnik Кыргызстан маалымат агенттигинин тексттик трансляциясынан окуй аласыздар.