БИШКЕК, 26-окт. — Sputnik. Социалдык тармакта арыктагысы келбеген семиз мышыктын видеосу тездик менен тарап жатат.
Окуя АКШнын Беллингхэм шаарында (Вашингтон штаты) болгон. Шлакоблок аттуу мышыктын ээлери аны арыктасын деп ветеринардык клиникага алып келишкенин Metro басылмасы жазды.
Ветеринарлардын айтымында, мышыкка универсалдуу көнүгүүлөр тандалган. Атап айтканда, суу толтурулган атайын жерде басуусу керек болчу. Бирок биринчи машыгууда эле Шлакоблоктун арыктоого ниети жок экени байкалган. Анын видеосу Twitter баракчасына жарыяланды.
Шлакоблок жалкоолугуна карабастан дарыгерлердин сүйүктүү жаныбарына айланган.