БИШКЕК, 24-окт. — Sputnik. Бишкектеги "Ак кула" ат майданын реконструкциялоо боюнча жарыяланган конкурс жыйынтыкталып, жеңүүчү аныкталды. Бул тууралуу мэриянын маалымат кызматы билдирди.
Ага ылайык, А. Абраимовдун жана архитекторлор - К. Исраилов, Д. Исенбаев, Т. Момуналиев, С. Шаршенбаев, Б. Сулайманов иштеп чыккан долбоору жеңүүчү болду.
Быйыл жайында жарыяланган ачык конкурска жалпысынан төрт иш келип түшкөн.
Бишкек мэриясы ипподромдун 50,9 гектар жерин кайтаруу боюнча сотту утуп алган. Жакында эле дагы кошумча 3,2 гектар жерди кайтаруу боюнча сот оңунан чыккан. Учурда аталган жерди шаардын балансына берүү боюнча процесс жүрүүдө.