БИШКЕК, 24-окт. — Sputnik. Ээси менен сейилдеп жүргөнүнө бактылуу болгон иттин видеосу бир нече күн ичинде элге тарап кетти. Видео Instagram тармагына жүктөлгөн.
Ары-бери өткөндөр бул көрүнүшкө таң калып, видеого тартып алышкан. Эки күн ичинде ал кадрларды эки миллион киши көрдү.
Анда көрүнүп тургандай, иттин мынчалык бийик секиргенине карабай кожойкеси камырабай кетип бара жатат. Мындан улам иттин секириги ал үчүн көнүмүш адат экенин билсе болот.