БИШКЕК, 21-окт. — Sputnik. Жалал-Абад облусунун Токтогул районундагы Чычкан капчыгайында жолдо автоунаа өрттөнүп кетти. Бул туурасында маалымат "Короче" Телеграмм каналына маалымат түшкөн.
Кадрдан жолдо турган автоунаанын өрттөнүп жаткандыгын жана андан улам автотыгын жаралгандыгын көрүүгө болот.
ӨКМден Sputnik Кыргызстанга өрт өчүрүүчүлөр келгенге чейин автокөлүктү каптаган жалын өчүрүлгөндүгүн кабарлашты. Алдын ала берилген маалыматтарда, өрттөн жабыркаган адамдардын жок экендиги айтылды. Ал эми облустук милиция бул кырсык туурасында маалымат берген жок.