БИШКЕК, 10-окт. — Sputnik. Бишкек мэриясы жүргүнчүлөрдүн коопсуздугун камсыздоо үчүн коомдук транспорттун ишин көзөмөлдөөнү күчөтөт. Бул тууралуу муниципалитеттен кабарлашты.
Ага ылайык, 9-октябрдан 11-октябрга чейин Бишкектин жүргүнчү автотранспорту мекемеси айдоочуларга атайын инструктаж өтөт. Аны окуган айдоочулар жол кыймылы эрежелерин билүү жана транспортту эксплуатациялоо боюнча тест тапшырат. Андан өтпөй калгандар ишке алынбайт.
Бирок автобазанын тажрыйбалуу кызматкерлеринин ар бирине кетирген каталарын жоюуга жана ишин жакшы өздөштүрүүгө убакыт берилет.