БИШКЕК, 8-окт. — Sputnik. Голливуддун асманында учактын ак түтүндөрү менен тартылган VVP67 хэштеги пайда болду. Сүрөттөрдү Лос-Анджелестин жашоочулары Instagram аккаунттарына чыгарышканын РИА Новости жазды.
Интернет колдонуучулардын пикиринде, бул Россиянын президенти Владимир Путинди туулган күнү менен куттуктоо болгон.
Аккаунттарды карай келгенде асмандан чын эле цифраларды жана тамгаларды көрүүгө болот. Ар кыл ракурстан тартылган сүрөттөрдү бир нече интернет колдонуучулар бөлүшкөн. Дагы бирөө тартып алган видеосун жайгаштырган. Анда анча чоң эмес учактын асманга сүрөттөрдү тартып жатканы түшүп калган.
Россия лидери Путин кечээ, 7-октябрда, 67 жашка чыкты. Анын маалымат катчысы президент туулган күнүн жакындарынын курчоосунда белгилей тургандыгын айткан. Анын алдында Енисей дарыясына барып, ага бийиктен көз чаптырып, жаратылыштын кооздугуна суктанган видеосу тараган.
Sputnik Кыргызстан Россия лидери туурасында маалыматтарды топтоп, окурмандарга сунуштаган.