Сүлүктү: шахтада каза болгон бир туугандарды кантип куткарышкан. Сүрөттөр

БИШКЕК, 7-окт. — Sputnik. Сүлүктү шаарында "Абдукахар кен" шахтасында газга ууланган бир туугандарды куткаруу операциясынын сүрөттөрү пайда болду.

Эскерте кетсек, кырсык 5-октябрь күнү болгон. ӨКМдин маалыматы боюнча, көмүр казып жаткандар  44, 42 жана 40 жаштагы бир туугандар экен. Жерине алты куткаруучу барып, шахтадан алып чыгып медиктерге өткөрүп берген. Бир туугандар шаардык ооруканада каза болушкан.

Белгилей кетсек, 6-октябрь күнү ушундай эле кырсык катталды. Кадамжай районундагы Үч-Коргон айыл өкмөтүнүн "Боз" тилкесинде жайгашкан шахтада өз алдынча көмүр казып жаткан учурда газга ууланып дагы үч киши каза болду. ӨКМ куткаруучулары маркумдардын сөөгүн 45 метр тереңдиктен алып чыкканын айтты.