БИШКЕК, 7-окт. — Sputnik. АКШнын канайымы Мелания Трамптын мурда айтылгандай бир нече тил билгендиги тууралуу маалымат төгүнгө чыгууда. Бул тууралуу Daily Express басылмасы жазды.
АКШ президентинин жубайы буга чейин немец, италия, француз жана серб-хорват тилинде эркин сүйлөрүн билдирген. Мындан улам америкалык журналист Жон Аравосис биринчи айымдын чет өлкөлүк сапарларында тартылган видеолорду көрүп, анын айтылган тилдердин кайсынысында канча ирет сүйлөгөнүн анализдеп чыккан.
Италиядагы балдар ооруканасына барганда дагы алардын тилинде ээн-эркин сүйлөгөн эмес. Аравосистин айтымында, ал италия тилинде учурашып, бир нече протоколдук сөздөрдү айткан. Бирок ошондо дагы учурашуудан ката кетирген.
Басылманын жазганына караганда, биринчи айымдын италия тилин таптакыр билбегени жолдошу Трамп Ватиканда Рим папасы Франциск менен жолуккан учурда дагы билинип калган. Анда канайым сүйлөп жаткан Рим папасын эмес, котормочуну карап турган.
Аравосис ошондой эле Мелания Трамп немец тилинде сүйлөөр-сүйлөбөсүн текшерип көргүсү келген. Бирок биринчи айым немец тилинде сүйлөп жаткан бир дагы ролик таба алган эмес.
Биздин Telegram-каналга жазылыңыз.