БИШКЕК, 29-сен. — Sputnik. Россиялык балерина Анастасия Волочкова өзүнүн Instagram баракчасына айыккыс дартка чалдыккан Анастасия Заворотнюктун алып баруучу болгон видеосун жүктөп, анын астына жазган посту элди ызы-чуу түшүрдү. Бул тууралуу РИА Новости жазды.
"Я нашла это видео, где была ведущей… Сейчас можно только молиться о ее душе…", — деп жазган ал.
Бийчинин бул сөздөрүн окуган интернет колдонуучулар аны жапырт сынга алышты. Тагыраагы, "Адамдын жанын ("молиться о ее душе") ал өлгөн кезде ойлошот, жалынышат. Ал эми тирүү кезде анын аманчылыгын, ден соолугун тилешет" деп жазгандар көп болду.
Эске салсак, россиялык актриса жана алып баруучу Анастасия Заворотнюк ооруп калгандыгы тууралуу август айында билинген. Сентябрда дарыгерлер анын дарты айыккыс шишик экенин айтышкан.
Ал эми 23-сентябрь күнү медиктер актрисаны дарылоону токтотуп, жүрөгүнүн согушун гана көзөмөлдөп жатышканы боюнча маалымат тараган.