БИШКЕК, 26-сен. — Sputnik. Көптөгөн ири IT-продукциялар Евразиялык экономикалык биримдикке мүчө мамлекеттердин жаштары тарабынан иштелип чыгууда. Евразиялык экономикалык комиссиянын башчысы Тигран Саркисян мындай пикирин Кыргыз-орус славян университетинде дарс окуп жатып айтты.
Саркисяндын айтымында, мындай мүмкүнчүлүк ЕАЭБ жаштарынын атаандаштыктагы артыкчылыгы болуп калды.
"Санариптик миграция иш берүүчүгө жакшы кадрларды табууга мүмкүндүк берүүдө. Биздин адистерге дүйнөлүк ири компаниялардан сунуш түшүп, өлкөдөн кетип жатат. Бул биздин келечек үчүн чоң сокку. Таланттуу жаштар үчүн жакшы шарт түзүү керек. Болуп жаткан өзгөрүүлөрдү тез өздөштүрүп, атаандаштыкка даяр болуу кажет. Көптөгөн ири IT компаниялардын продукцияларын биримдикке кирген жаштар жасап берери азыр эч кимге деле сыр болбой калды", — деди ал.
Биздин Telegram-каналга жазылыңыз.