БИШКЕК, 7-сен. — Sputnik. 8-сентябрда күндүз тоолуу райондордо жамгыр жаашы мүмкүн. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге чейин жетет.
Маалыматка ылайык, абанын температурасы Чүйдө +20...+25, Талас өрөөнүндө +19…+24 градус, Ош, Жалал-Абад, Баткен облусунда +24…+29 ысыса, Нарын жана Ысык-Көлдө +18...+23 градус жылуу болот.
Ал эми Бишкек жана Ош шаарларында жаан жаабайт, күндүн табы Бишкекте +23...+25, Ошто +26…+28 градуска жетет.