БИШКЕК, 6-сен. — Sputnik. Бишкек шаардык милициясы кишилерди аёосуз сабагандар боюнча журналисттерге маалымат жыйын курду.
Анда милиционерлер шектүүлөр менен жабырлануучулардын ортосунда чыр эмнеден улам чыкканы боюнча божомолдорун айтышты.
"Алдын ала маалымат боюнча, чыр кер-мур айтыштан чыккан. Жабырлануучулардын экөө абалына байланыштуу көрсөтмө бере албай жатат. Ал эми үчүнчүсүнүн айтымында, анын жанындагы экөө дүкөнгө кирип кеткен. Чыгып келе жатканда шектүүлөр менен айтыша кетип мушташ чыккан", — деди ШИИБдин тергөө кызматынын жетекчиси Нурлан Утемисов.
Ал ошондой эле шектүүлөр көрсөтмө берүүдөн баш тартып жатканын кошумчалады.
Маалымат жыйындын тексттик трансляциясын окуңуздар.