Сүрөт түрмөктө өлкө башчыдан тарта министрлер, Жогорку Кеңештин депутаттары жана элчи бар.
Ал эми былтыркы сүрөт топтомго кайсы таанымал адамдар киргенин шилтеме аркылуу көрүңүз.
1 / 11
Өлкөнүн биринчи адамы Сооронбай Жээнбеков Ош облусунун Кара-Кулжа районундагы Тельман айылындагы мектепте окуган.
© Фото / из личного архива Сооронбая Жээнбекова
2 / 11
Ошол кезде эле чыкыйта костюмду кийип... Жогорку Кеңештин төрагасы Дастан Жумабеков (солдо) Таластагы Кара-Буура районунун Сатыке айылындагы орто мектепте билим алган.
© Фото / из личного архива Дастана Джумабекова
3 / 11
Кыргызстандын Россия жана Армениядагы элчиси Аликбек Жекшенкулов. Украинанын Харьков шаарындагы мектепте 3-класста окуп жүргөн кези. Окууну кийинчерээк Фрунзеден бүткөн.
© Фото / из личного архива Аликбека Жекшенкулова
4 / 11
Болочок министр. Айыл чарба, тамак-аш өнөр жайы жана мелиорация министрлигин башкарган Эркинбек Чодуев Оштогу мектеп-интернатта окуп жүргөн учуру. Сүрөттө солдо биринчи катарда турат.
© Фото / из личного архива Эркинбека Чодуева
5 / 11
Маданият, маалымат жана туризм министри Азамат Жамангулов Талас районундагы "Манас" лицейинде 8-класста окуп жүргөн кези. Сүрөттө ортодо ээгин таянып турган бала.
© Фото / из личного архива Азамата Жаманкулова
6 / 11
Жогорку Кеңештин депутаты Евгения Строкова Фрунзедеги №10 мектепте 3-класста окуп жүргөн учуру.
© Фото / из личного архива Евгении Строковой
7 / 11
Жогорку Кеңештин депутаты Исхак Пирматов Бишкектеги №64 мектепти аяктаган. Сүрөттө 6-класс кези.
© Фото / из личного архива Исхака Пирматова
8 / 11
"Республика — Ата-Журт" фракциясынын лидери Жыргалбек Турускулов Жумгалдагы Таттыбүбү Турсунбаева атындагы мектепте окуган. Сүрөттө 3-класстагы кези.
© Фото / из личного архива Жыргалбека Турускулова
9 / 11
Парламенттеги активдүү депутаттардын бири Элвира Сурабалдиеванын 11-класстагы учуру. Ал Бишкектеги №5 мектепте билим алган.
© Фото / из личного архива Эльвиры Сурабалдиевой
10 / 11
Жерде отуруп түшкөн бүтүрүүчүлөрдүн арасында оңго карай экинчиде отурган, бир колуна саат, экинчи колуна браслет тагынган жигит Тазабек Икрамов. Жогорку Кеңештин депутаты Сузак районундагы №31 Чанаков атындагы орто мектепти аяктаган.
© Фото / из личного архива Тазабека Икрамова
11 / 11
"Кыргызстан" фракциясынан Жогорку Кеңешке депутат болуп келген Айнура Аскарованын мектеп босогосун аттаган учуру. Ал Чүй облусундагы Өмүралы Исаев атындагы орто мектепти бүтүргөн.
© Фото / из личного архива Айнуры Аскаровой